Home  >  Le Tradizioni Festa del Santo Patrono
Festa del Santo Patrono PDF Stampa E-mail

s.antonio 2012

Processione di S. Antonio 2012 (foto di Michele Lioi)


LA FESTA DE LU SANTE PATRUNE DE OPPETE DE LU 1938

Poesia in dialetto di Antonio Maria Cervellino

La festa ca iè osce iè assaie grannile:

da stumatine ai quatte, bendinotte

aggire per re strate e i calancune

la banna ca cumanne “Chiancefoglie”,

porta lu nome de “Secutapuorce”,

iè sempe ‘nnante intà re pregessiune

e face sente l’aria de la festa.

‘Mpà Iucce l’attunesce lu freschette,

capace iè de sunà lu Rigoletto,

portene lu tiempe i tattazzinni

ch’re battute ca so sempe sette,

arrù tammurro iè Rocco Simoniello,

la sone la gran cassa “Chiancefoglie”.

Arra viscilia a sera de la festa

s’abbiene i fedeli arrù Cummente

pe scì a pregà divoti tre Santune

ca cerchene re grazzie arru Signore

pe tutti i Uppetisi e auta gente:

Sant’Antonio iè lu Capa Addozzie

Face r ggrazzie e nan canosce l’ozzio,

pe nudde camina inta duie luoche,

Patrune iè de l’acqua e de lu fuoche,

San Mprancische tene sempe ammente

Maria, lu Cruggefisse e gli aute Sante.

De tutte cchiù speciale iè Michele,

l’Arcangelo ca DIO ne l’ha mannate

pe salvà lu munne da lu Maligne

e p’aiutà i nuziente e i sperbedute.

S’abbiene ‘n pregessione sti tre Sante

da lu Cummente finch’arru paise,

se fermene na botta a Porta Iuso,

pe vedè gli fuoche de Bruscelle.

Po se ne ‘nchianene pe la chiazza ‘a monte

e “Arra pro nobis” siente de cantà,

ch’re cannele e ogne luminerie,

pure re Stedde scennene da ‘Nciele,

i paisane ‘nzemmele agli frestiere

facene gran festa, festa grannile.

Nce so i ricchi ‘mpaccia ai puruiedde,

tutti quante a chiance e a perdunà.

‘Nce so i prieute, muonece e munacacchie

ch’la tonna e tanta gigli ‘n mane,

so tutte come arrù Sante Patrune,

i Carabenieri che gli pennacchi russe

so Guardia d’onore arrù Santone

ca passe pe re strate ‘n Pregessione.

Chiancene re femmene ‘ngenucchiate,

s’ammacchene lu piette assaie pentite

cercanne grazzie arrù Sante Patrune.

Se fermene i fedeli arrù Paschiere 

pe fa n’afferta degna a sti tre Sante:

Cintecinquanta lire a San ‘Mprancische,

a San Michele sonne quatteciente,

duie mila lire arrù sante Patrune,

sicure ca ne salva da lu truone.

Cuntiente pe r’afferte ricevute,

tornene i Santune arrù Cummente

ch’gli cavadde careche de grane.

Ma ai cinche tutte quante arrù Paschiere,

n’anche de sauzizze e na menzodda,

duie cicere arrestute e na fiaschedda,

se godene la festa i puruiedde.

Se vedene la corsa inta i sacchi

e i ciucce ‘nghirlandate ch’re frasche,

facene ride i granne e i criature

mentre i uagnuniette e i furutane,

disperati ‘nchianene lu màsce.

Ma meglie da vedè iè la carrera:

da Scianna Prena partene i cavadde

come saiette e lampi ‘nfuriate,

correne sbrigliate e scatenate.

I tre meglie cavadde so ggià ‘nnante,

Lelie, Carmusine e Fioravante

ca correne cchiù forte de lu viente 

e mai nesciune gli pote fermà.

Se vede già da sope a Maste Cicce,

lu puluacchie fatte da i cavadde,

ma chi iè prime, ancora nan se sape.

Ma ecco ca so grete arra Fentana,

iè terze lu cuavadde d Marcone,

la stacca de Fasciane iè na tempesta 

e forse arriva prima intà sta festa.

La banna “Secutapuorce” sona forte,

so assaie valiente tutti i musicanti,

lu fraschette face la tirannia,

tammurre e tattazzinni so ‘mpacciute,

la sfonna la gran cassa “Chiancefoglie”.

Ma come lampe cange lu destine,

e mentre la stacca de Fasciane

passa a Carmusine e a Fioravante,

scurtedda lu cavadde de Ciciodda

e Lelie come viente i passa ‘nnante

e sule arrive prime intà lu Paschiere.

Evviva Lelie ch’ lu palie azzurre,

se enchiene de grane gli tammurre,

menziette, cannacammere e stuppiedde,

vaiene buone i ricchi e i puruiedde:

chi vaie de dece e chi de decidotto,

sia buneditte l’anne de lu trentotto,

grazzie a Sant’Antonie e agli aute Sante,

pe lu PATRE, lu FIGLIUOLO e lu SPIRDE SANTE. 

Tratta da: Antonio Maria Cervellino, Revivalbum. Un paese nel cuore, 2006